दहिवडीच्या नगराध्यक्षपदी सौ.निलम अतुल जाधव विराजमान ! दहिवडीचा पाणी प्रश्न सोडवणार; सौ जाधव यांची ग्वाही…

वृत्त दि. – १९ मे २०२५

वृत्त – दहिवडी,ता.माण,जि.सातारा.

       सातारा जिल्ह्यातील माण तालुक्याचे केंद्रबिंदू असणाऱ्या दहिवडी शहरात दहिवडी नगरपंचायत नगराध्यक्षपदी भारतीय जनता पक्षाच्या प्रभाग क्र. – ९ च्या नगरसेविका सौ.निलम अतुल जाधव यांची बिनविरोध निवड झाली.या‌ निवडीनंतर ग्रामविकास मंत्री जयकुमार गोरे व सौ. सोनिया गोरे यांच्या प्रमुख उपस्थितीत निलम जाधव यांनी पदभार स्वीकारला.

       माण – खटाव च्या उपविभागीय अधिकारी उज्वला गाडेकर यांनी निलम जाधव यांचा‌ दहिवडीच्या नगराध्यक्ष पदासाठी एकमेव अर्ज आल्याने त्यांना नगराध्यक्ष म्हणून घोषित केले. या निवडणुकीचे कामकाज मुख्याधिकारी संदीप घार्गे यांच्यासह नगरपंचायतीच्या‌ कर्मचाऱ्यांनी‌ पाहिले.

       नगराध्यक्षपदाची औपचारिकता पूर्ण झाल्यावर ग्रामविकास मंत्री जयकुमार गोरे यांनी निलम जाधव यांचा सत्कार‌ केला.यावेळी ॲड. भास्करराव गुंडगे,अतुल जाधव,शरद मोरे, हरिभाऊ जगदाळे,श्री.सिद्धनाथ पतसंस्थेच्या संचालिका‌ सोनिया गोरे,चेअरमन अरुण गोरे, संचालक अर्जुन काळे,बाळासाहेब सावंत,दिलीप जाधव,नगरसेविका मोनिका गुंडगे, सुरेखा पखाले

उज्वला पवार,राणी अवघडे,वर्षाराणी सावंत, सुप्रिया जाधव,महेश जाधव,सतीश जाधव,रुपेश मोरे,शरद मोरे, सिद्धार्थ गुंडगे,महेंद्र जाधव,सुरज गुंडगे,शैलेंद्र खरात,संदिप जाधव, महेश कदम,संदीप जाधव,बाळासाहेब सावंत,भारतीय जनता पार्टीचे जिल्हा युवा मोर्चाचे अध्यक्ष चिन्मय कुलकर्णी यांच्यासह आजी-माजी नगरसेवक – नगरसेविका उपस्थित होते.

     या निवडीनंतर गजी नृत्य,ढोल ताशांच्या गजरात व फटाक्यांच्या आतिषबाजीत त्यांची शहरातून छत्रपती शिवाजी महाराज चौक, संविधान चौक, डॉ.बाबासाहेब आंबेडकर चौक,तीन बत्ती चौक व पुढे ग्रामदैवत श्री सिद्धनाथ मंदिर या मार्गावरून मिरवणूक काढण्यात आली.या मिरवणुक सोहळ्यासाठी बहुतांश सर्व नगरसेवकांसह सामाजिक,राजकीय,धार्मिक अशा सर्व क्षेत्रातील प्रतिष्ठित नागरिक व शहरातील व तालुक्यातून आलेले प्रमुख कार्यकर्ते मोठ्या संख्येने उपस्थित होते.या मिरवणुकीसाठी महिलांचा सहभागी लक्षणीय होता. या मिरवणुकी दरम्यान शहरातील ग्रामस्थांकडून ठिकठिकाणी सौ जाधव यांचा सत्कार होत होता.

        दुपारी १-३० वाजता ग्रामदैवत श्री सिद्धनाथ मंदिर परिसरामध्ये ही मिरवणूक आल्यानंतर श्रींच्या दर्शनाने या मिरवणूक सोहळ्याची सांगता झाली. यावेळी श्री सिद्धनाथ मंदिरामध्ये सौ.सोनिया गोरे,सौ.निलम जाधव यांच्यासह ॲड.भास्करराव गुंडगे,माजी नगराध्यक्ष धनाजी जाधव,नगरसेविका सुरेखा पखाले, माजी नगराध्यक्ष दिलीपभाऊ‌ जाधव,माजी उपसरपंच बापूसाहेब साखरे,आबासाहेब जाधव, अशोक जाधव, शरद मोरे, किरण फरतडे, मयुरी फासे आदी मान्यवरांनी आपली मनोगते व्यक्त केली.

       यावेळी माजी नगराध्यक्ष धनाजी जाधव म्हणाले की,आजची नगराध्यक्ष पदाची निवड खरी तर एक ते दीड वर्षांपूर्वीच होणे अपेक्षित होती. आम्ही १४ नगरसेवकांनी मिळून या अविश्वास ठरवा विषयी मागील १४ महिन्यांपूर्वी पासून आमचे प्रयत्न चालू होते परंतु काही शासकीय अडचणींस्तव,या प्रक्रियेला दिरंगाई झाली. आम्ही १४ नगरसेवकांनी मिळून ताक्तालीन नगराध्यक्षांवर अविश्वास ठराव दाखल केला.यासाठी मंत्री श्री जयकुमार गोरे यांची यासाठी विशेष मदत मिळाली. आम्हा १४ नगरसेवकांसह मंत्री गोरे व त्यांच्या पत्नी सौ.सोनिया गोरे यांच्यामुळे हा अविश्वास ठराव यशस्वी झाला आणि यामुळे एकमुखी,बिनविरोध असा आमच्या घरातला नगराध्यक्ष करू शकलो, याबद्दल आम्हाला खूप खूप अभिमान आहे की, आम्ही हे करू शकलो.

      नवनिर्वाचित नगराध्यक्षा सौ.निलम जाधव म्हणाल्या,ना.जयकुमार गोरे यांच्या मार्गदर्शनाखाली दहिवडीच्या जिव्हाळ्याचा पाणी प्रश्न सोडवण्यासाठी प्रयत्न करणार आहे. तसेच दहिवडीच्या सर्वांगीण विकासासाठी ना.जयकुमार गोरे यांच्या माध्यमातून निधी उपलब्ध केला जाईल.सर्व नगरसेवकांना विश्वासात घेऊन प्रत्येक प्रभागाला विकास निधी देऊन न्याय दिला जाईल,अशी ग्वाही त्यांनी दिली.

       यावेळी सौ सोनिया गोरे म्हणाल्या,मागील दहा वर्षांपासून दहिवडी शहरामधील एक महिला खूप जोमाने समाजकार्य करत असताना मी पाहत आहे.हळदी कुंकू असो,वेगवेगळ्या छोटे-मोठे कार्यक्रम असोत,वेगवेगळे सण – समारंभ असो किंवा गणेशोत्सव असो की नवरात्र उत्सव या प्रत्येक वेळी खूप उत्साहाने,हीरारीने भाग घेऊन काम करणारी महिला कोण असेल तर ती नीलम ताई जाधव होय ! त्यांच्या याच समाजकार्याची हीच दखल घेऊन मी आणि मंत्री श्री गोरे यांनी नगराध्यक्ष पदासाठी सौ. निलम जाधव यांची निवड करण्याचा निर्णय घेतला. स्त्री असो किंवा पुरुष काम करण्याची सर्वांना समान संधी मिळायला हवी.सर्व दहिवडीवासियांनी एकत्र येऊन एकसंघ दहिवडी ठेवण्याचा प्रयत्न करून एक आदर्श दहिवडी, एक आदर्श नगरपंचायत करण्यासाठी, गट-तट बाजूला ठेवून सर्वांनी हिरारीने भाग घेतला पाहिजे.सर्व विरोधक व सहकारी पक्षांनी एकत्र आल्यामुळे आजचे परिवर्तन झाले आहे.यापुढेही सर्वांनी असेच एकत्र येऊन महाराष्ट्र राज्याचे ग्रामविकास मंत्री ना.जयकुमार गोरे यांच्या साथीने दहिवडीचा विकास करण्याचे काम करूया,दहिवडी शहर सुंदर शहर बनवूया,असे आवाहन त्यांनी उपस्थितांना केले.

        या कार्यक्रमाचे सूत्रसंचालन व आभार प्रदर्शन ‌ॲड. महेश वसव यांनी केले.नगरसेविका सुरेखाताई पखाले यांच्यासह बहुतांशी सर्व नगरसेवक,माजी नगराध्यक्ष उपस्थित होते.नूतन नगराध्यक्ष निलम जाधव यांना पंचायत समितीचे सदस्य बाबासाहेब हुलगे,अर्जुन काळे, सरपंच दादासाहेब काळे, माजी सरपंच दादासाहेब जगदाळे,सोमनाथ भोसले,आप्पासाहेब पुकळे,यांनी शुभेच्छा दिल्या.