मंत्री जयकुमार गोरे यांच्या हस्ते दहिवडीत ७ कोटी ७६ लाख रुपयांच्या विकास कामांचे रविवारी होणार भूमिपूजन…

वृत्त – दहिवडी,ता.माण,जि.सातारा

     ग्राम विकास व पंचायत राज मंत्री तथा सोलापूर जिल्हा पालकमंत्री ना. जयकुमार गोरे यांच्या प्रयत्नातून सातारा जिल्ह्यातील; माण तालुक्याचे मुख्यालय असणाऱ्या दहिवडी शहरासाठी, शासनाच्या विविध योजनांतून एकूण ७ कोटी ७६ लाख रुपयांच्या विकास कामांचा भरीव निधी उपलब्ध झाला असून या विकास कामांचे भूमिपूजन रविवार, दि. ८ फेब्रुवारी रोजी सायंकाळी ५ वाजता होणार आहे.अशी माहिती दहिवडी नगरपंचायतीच्या नगराध्यक्षा निलम अतुल जाधव यांनी दिली आहे.

   याविषयी अधिक माहिती अशी की, प्रभाग क्र.१ मध्ये अतुल शिंदे वस्ती ते पानमळा रस्ता डांबरीकरण करणे, प्र.क्र.२ मध्ये फलटण रोड ते खताळ वस्ती रस्ता कॉंक्रीट करणे, प्र.क्र.३ मध्ये शिवाजीनगर गटर बांधकाम करणे, प्र.क्र.६ मध्ये अंतर्गत रस्ता करणे, प्र.क्र.१७ मध्ये गोंदवले रोड ते अतुल जाधव ते कॅनाल बंधिस्त गटर करणे,प्र.क्र.८ मध्ये अशोक टिकोळे घर ते जैन मंदिर ते आबा महाजन कॉंक्रीट गटर करणे, प्र. क्र.४ मध्ये आंबेमळा ते खाशाबा जाधव वस्ती कॉंक्रीट रस्ता व साकव करणे, प्र.क्र.१२ मध्ये सुरेश तुपे घर ते कोळेकर वस्ती रस्ता डांबरी करणे,

प्र.क्र.१७ मध्ये वरचा रानमळा अंतर्गत बंधिस्त गटर करणे, प्र.क्र.९ मध्ये अंतर्गत कॉंक्रीट रस्ते,गटर,व पेव्हर ब्लॉक करणे, प्र.क्र.२ मध्ये शिंगणापूर रोड ते बबन सावंत घरापर्यंत रस्ता कॉंक्रीट करणे, प्र.क्र.१७ मध्ये गोंदवले रोड ते एच.पी.पंप पाठीमागील रस्ता डांबरीकरण करणे, प्र.क्र.४ मध्ये जाधव वस्ती अंतर्गत रस्ता कॉंक्रीट करणे, प्र.क्र.१ मध्ये जगदीश शिंदे घर ते कोकरे वस्ती रस्ता डांबरी करणे, प्र.क्र.६ मध्ये सरकारी दवाखाना ते डॉ.काशीद घरापर्यंत रस्ता डांबरीकरण करणे, प्र.क्र.१२ मध्ये कोळेकर वस्ती ते शिंदे वस्ती रस्ता डांबरीकरण करणे, दहिवडी नगरपंचायत अंतर्गत विकास सोसायटी शेजारी सार्वजनिक शौचालय बांधकाम करणे, दहिवडी नगरपंचायत अंतर्गत नगरपंचायत मालकीच्या जागेत सार्वजनिक मुतारी बांधकाम करणे, दहिवडी नगरपंचायत हद्दीतील न.प.जागेत सार्वजनिक शौचालय बांधकाम करणे, दहिवडी नगरपंचायत अंतर्गत विकास नगर येथे सामुदायिक शौचालय बांधकाम करणे, दहिवडी नगरपंचायत अंतर्गत सामुदायिक शौचालय दुरुस्ती करणे, लिंगायत समाज स्मशानभूमि कंपाउंड करणे, प्र.क्र.६ मध्ये अंतर्गत गटर बांधने, सिद्धनाथ मंदिर ते फलटण रोड कॉंक्रीट करणे,दहिवडी शिंगणापूर जुना पुलासह रस्ता (दत्त मंदिर जवळ) रस्ता कॉंक्रीट करणे, दहिवडी रानमळा (वरचा) रस्ता डांबरीकरण करणे, प्र.क्र.१७ मध्ये मायणी रोड मोरे मळा ते काटकर वस्ती,साळुंखे वस्ती रस्ता डांबरीकरण करणे.या सर्व विकासकामांचे भूमिपूजन रविवार दि. ८ फेब्रुवारी रोजी मोठ्या उत्साहात होत आहे.

     दहिवडी शहरात होत असलेल्या विकास कामांमुळे जनतेत समाधानाचे,आनंदाचे व उत्साहपूर्ण वातावरण तयार झाले आहे. या विकास कामांच्या भूमिपूजन सोहळ्यासाठी सर्व प्रभागांतील नगरसेवक,नगरसेविकांसह परिसरातील सामाजिक, राजकीय, शैक्षणिक,धार्मिक क्षेत्रातील प्रतिष्ठित व्यक्ती तसेच सुजान नागरिकांनी मोठ्या संख्येने उपस्थित रहावे, असे विनम्र आवाहन उपनगराध्यक्षा सुरेखा पखाले व मुख्याधिकारी संदीप घार्गे यांनी केले आहे.