राजकीय
Trending
मंत्री जयकुमार गोरे यांचा रविवार दि.९ ऑगस्ट रोजीचा बोराटवाडी येथील ‘जनता दरबार’ रद्द; नवीन तारीख लवकरच जाहीर होणार
वृत्त – माण, सातारा.
वृत्त दि.- ९ ऑगस्ट २०२६
महाराष्ट्र राज्याचे मुख्यमंत्री देवेंद्र फडणवीस हे रविवार दि.९ ऑगस्ट रोजी; सांगली जिल्ह्याच्या दौऱ्यावर येत असल्याने, ग्रामविकास व पंचायतराज मंत्री ना. जयकुमार गोरे हे त्यांच्या दौऱ्यात सहभागी होणार आहेत. यामुळे मंत्री जयकुमार गोरे यांचा रविवार दि. ९ ऑगस्ट रोजी ‘कमलकुंज’ निवासस्थान, बोराटवाडी,ता.माण,जि.सातारा येथे आयोजित करण्यात आलेला ‘जनता दरबार’ रद्द करण्यात आला आहे.
या विशेष दौऱ्यामुळे हा निर्णय घेण्यात आला असून, या जनता दरबाराची पुढील तारीख, वार आणि वेळ लवकरच जाहीर केली जाईल, असे त्यांच्या जनसंपर्क कार्यालयातून कळविण्यात आले आहे.
नागरिकांना काही अतिमहत्त्वाचे काम किंवा अडचण असल्यास त्यांनी दहिवडी येथील जनसंपर्क कार्यालयाशी प्रत्यक्ष अथवा ०२१६५२२०५९९ या दूरध्वनी क्रमांकावर संपर्क साधावा,असे आवाहन करण्यात आले आहे. नागरिकांनी या बदलाची नोंद घ्यावी व सहकार्य करावे ही विनंती.