ताज्या घडामोडी
Trending
मोठी बातमी ! श्री सिद्धनाथ यात्रेनिमित्त म्हसवड मध्ये वाहतूक बदल, या रस्त्यांवर “No Entry”
वृत्त – म्हसवड, ता.माण, जि.सातारा.
श्री क्षेत्र म्हसवड येथे सालाबादप्रमाणे होणाऱ्या श्री सिद्धनाथ देवाची यात्रेनिमित्त; महाराष्ट्र, कर्नाटक आणि तामिळनाडू या राज्यातून लाखो भाविकांची गर्दी होणार असल्याने म्हसवड पोलिसांनी सातारा जिल्हा पोलीस अधीक्षक तुषार दोशी यांच्या आदेशान्वये वाहतुकीत केले आहेत.
म्हसवड ता.माण येथे सालाबादप्रमाणे श्री सिद्धनाथ देवाची यात्रा बुधवार दि. १९ नोव्हेंबर ते रविवार २३ नोव्हेंबर या कालावधी मध्ये साजरी होत असुन यात्रेचा मुख्य दिवस शुक्रवार दि. २१ नोव्हेंबर रोजी आहे. या दिवशी श्री सिद्धनाथ देवाचा रथोत्सव होत असतो. या रथोत्सवासाठी विविध राज्यातून सुमारे ४ ते ५ लाख भाविक येत असतात.
म्हसवड गावातुन सातारा ते पंढरपुर असा राज्य महामार्ग जात असुन याच राज्य महामार्गावरुन श्री सिद्धनाथ देवाचा रथ जाणार असल्याने होणाऱ्या भाविकांच्या गर्दीमुळे रस्ता वाहतूकीवर परीणाम होण्याची दाट शक्यता आहे म्हणून यात्रा कालावधीत वाहतूक सुरळीत राहणेकरीता व भविकांची / नागरीकांची तसेच वाहनचालकांची गैरसोय होवु नये यासाठी वाहतूकीचे नियोजन करण्यात आले आहे. याकरिता पर्यायी मार्गाची उपलब्धता असल्याने सदर मार्गावरील वाहतूक वळविणे आवश्यक होते.
पोलीस अधीक्षक तुषार जोशी यांनी महाराष्ट्र पोलीस अधिनियम १९५१ चे कलम ३४ अन्वये प्राप्त असलेल्या अधिकारान्वये; म्हसवड गावातुन जाणारा, सातारा ते पंढरपुर व म्हसवड ते आटपाडी या मार्गावरील वाहतूक मार्गात बदल करुन अंतर्गत वाहतूक व्यवस्था सुरळीत राहणेकरीता शुक्रवार दि. २१ नोव्हेंबर रोजी सकाळी ०७ वाजले पासून ते रात्रौ १० .०० वाजेपर्यंत वाहतूक मार्गात बदल अधिसुचना पारित केली आहे. या अधिसूचनेनुसार वाहतूक मार्गात पुढील प्रमाणे बदल करण्यात आला आहे.
१) सातारा ते पंढरपुर व माळशिरस बाजुकडे जाणारी दोन चाकी व सर्व हलकी वाहने ही शिंगणापुर चौक येथुन युवराज सुर्यवंशी यांचे निवासस्थान समोरुन – शिक्षक कॉलनी – भाटकी रोड – भाटकी गाव – माळशिरस चौक येथुन जातील.
२) पंढरपुर व माळशिरस ते सातारा बाजुकडे जाणारी दोन चाकी व सर्व हलकी वाहने ही माळशिरस चौक – भाटकी गाव – भाटकी रोड शिक्षक कॉलनी – युवराज सुर्यवंशी यांचे निवासस्थान समोरुन शिंगणापुर चौक येथुन जातील.
३) सातारा ते पंढरपुर व माळशिरस बाजुकडे जाणारी सर्व प्रकारची अवजड वाहतूक ही पोळ पेट्रोल पंपाच्या पाठीमागुन खांडेकर तालीम -शिक्षक कॉलनी – भाटकी रोड – भाटकी गाव – माळशिरस चौक येथुन जाईल.
४) पंढरपुर व माळशिरस ते सातारा बाजुकडे जाणारी सर्व प्रकारची अवजड वाहतूक ही माळशिरस चौक – भाटकी गाव – भाटकी रोड – शिक्षक कॉलनी – खांडेकर तालीम – पोळ पेट्रोल पंप येथुन सातारा बाजुकडे जाईल.
५) सातारा व फलटण बाजुकडुन आटपाडी बाजुकडे जाणारी सर्व प्रकारची वाहतूक ही
मायणी चौक येथुन कुकुडवाड मुख्य रस्ता – नागोबा मंदीर – मेगासिटी – वीरकरवाडी
येथुन आटपाडीकडे जाईल.
६) आटपाडी बाजुकडुन सातारा व फलटण बाजुकडे जाणारी सर्व प्रकारची वाहतूक ही
वीरकरवाडी – मेगासिटी – नागोबा मंदीर कुकुडवाड मुख्य रस्ता – मायणी चौक
येथुन जाईल.
७) वीरकरवाडी ते म्हसवड व रथगृह ते सरकारी दवाखाना हे रोड वाहतूकीसाठी बंद करणेत आले आहेत.
वरीलप्रमाणे वाहतूक ज्या ज्या ठिकाणावरुन वळविण्यात आली आहे. त्या ठिकाणी पोलीस बंदोबस्त नेमण्यात आला आहे. वाहतूक मार्गात केलेल्या बदलांसाठी सर्व भाविकांनी/ नागरिकांनी व वाहन चालकांनी नोंद घेवून पोलीस दलास सहकार्य करावे, असे विनम्र आवाहन म्हसवड पोलीस स्टेशनचे सपोनि अक्षय सोनवणे यांनी केले आहे.