दहिवडी कॉलेज मधील ‘ट्रेड फेअर’, ‘रासायन जत्रेला’ उत्स्फूर्त प्रतिसाद ! सुमारे ५० हजारांची झाली उलाढाल…

वृत्त दि.- शुक्रवार २८ फेब्रुवारी २०२५

वृत्त — दहिवडी,ता.माण,जि.सातारा.

      सातारा जिल्ह्यातील माण तालुक्याची शिक्षणगंगा म्हणून ओळख असलेल्या दहिवडी कॉलेज दहिवडीमध्ये वाणिज्य विभागाच्यावतीने शुक्रवार दि.२८ फेब्रुवारी रोजी आयोजित करण्यात आलेल्या ‘ट्रेड फेअर’, ‘रसायन जत्रा’ यामध्ये एका दिवसात सुमारे ५० हजार रुपयांची उलाढाल झाली.
सांघिक भावनेने एकत्र येऊन अतिशय मेहनतीने व मन लावून तयार केलेल्या पदार्थ व वस्तूंना मिळालेला प्रतिसाद पाहून दहिवडी महाविद्यालयातील विद्यार्थी कमालीचे हरखून गेले. विद्यार्थी विद्यार्थिनींना महाविद्यालयीन जीवनातच व्यावसायिक कौशल्य आत्मसात करता यावे, या उद्देशाने दहिवडी कॉलेज, दहिवडीत वाणिज्य विभागाच्या वतीने ट्रेड फेअर’ तर रसायनशास्त्र विभागाच्या वतीने ‘रसायन जत्रा’ आयोजित करण्यात आली होती.

     या कार्यक्रमाचे उद्घाटन रयत शिक्षण संस्थेचे मॅनेजिंग कौन्सिल सदस्य प्रभाकर देशमुख यांच्या हस्ते करण्यात आले.यावेळी महाविद्यालय विकास समितीचे सदस्य सुनील जाधव व अजित पवार, प्रभारी प्राचार्य डॉ. संजय खेत्रे,उपप्राचार्य डॉ. अनिल दडस,वाणिज्य विभाग प्रमुख प्रा. एम. एन. म्हेत्रे, प्राणीशास्त्र विभाग प्रमुख एम. जे. लुबाळ, रसायनशास्त्र विभाग प्रमुख प्रा.दिलीप अनुसे आयोजिका प्रा. शुभदा कदम यांच्यासह प्राध्यापक उपस्थित होते.

      वाणिज्य विभागाच्या या ‘ट्रेड फेअर’ मध्ये वाणिज्य विभागाच्या विद्यार्थ्यानी,चायनीज,बिर्याणी,उत्तापा,डोसा,पाणीपुरी,भेळ,दाबेली,मट्ठा,लस्सी,बदामशेक इत्यादी प्रकारचे पदार्थ विक्रीस मांडले होते. हे सर्व पदार्थ विकण्यासाठी एकूण १२ छोटी दुकाने थाटली होती.या छोटया दुकानांच्या माध्यमातून विक्रीसाठी आणलेल्या पदार्थाँचा ग्रहकांनी मनमुराद आनंद लुटला.

‌‌‌‌‌   व्यावसायिक प्रशिक्षण आणि व्यावहारिक गोष्टींचा अनुभव विद्यार्थ्यांना मिळावा म्हणून भरवलेल्या या ‘ट्रेड फेअरमध्ये’ विद्यार्थ्यांची चांगलीच धांदल उडाली. ग्रहकांना पदार्थ देताना या विक्रेत्या विद्यार्थ्यांना व्यावसायिक व सामाजिक जीवनात उपयुक्त असणाऱ्या अनेक गोष्टीचा अनुभव मिळाला. दुपारी चार वाजेपरयैंत विद्यार्थ्यांनी आपले कौशल्य पणाला लावत ग्राहकांना आकर्षित करत आपले पदार्थ आणि वस्तू विकल्या. या ट्रेड फेअरसाठी महाविद्यालयातील विद्यार्थी आणि प्राध्यापकांचा चांगलाच प्रतिसाद मिळाला.

      तसेच ‘रसायन जत्रा’ या उपक्रमामध्ये या विभागातील विद्यार्थ्यांनी वेगवेगळे घरगुती व दैनंदिन वापरातल्या वस्तू स्वतः तयार केल्या होत्या व त्या विक्रीसाठी स्टॉलमध्ये ठेवल्या होत्या.

तसेच घरगुती पद्धतीचे फ्रूट प्रोडक्स तसेच डाळी पासून बनवलेले पदार्थ तयार केले होते. तसेच वेगवेगळे प्रयोग व रासायनिक केमिकल्स वापरून तयार करण्यात आलेले वस्तू त्याचे प्रदर्शन व माहिती सदर दाखवण्यात आली. यामध्ये टूथपेस्ट,अंगाचा साबण, शाम्पू, सौंदर्य प्रसाधने,कीटकनाशके, सेंद्रिय तसेच रासायनिक खते,जीवामृत,वेदनाशामक क्रीम, वेदनाशामक तेल,ओठांना लावण्याचा मलम,फिनाईल अशी अनेक प्रकारचे वेगवेगळी रसायने बनवून प्रदर्शनासाठी ठेवली होती.

     या संपूर्ण कार्यक्रमाचा आस्वाद कार्यक्रमाचा महाविद्यालयातील विद्यार्थी, विद्यार्थिनी समवेत शिक्षक व शिक्षकेतर कर्मचाऱ्यांनी तसेच परिसरातील जिज्ञासू नागरिकांनी घेतला.