मंत्री जयकुमार गोरे यांची बदनामी करणाऱ्या महिलेवर कारवाई करा ; माण भाजपा महिला आघाडीची मागणी !

वृत्त दि.- शनिवार,८ मार्च २०२५

वृत्त – दहिवडी, या.माण,जि.सातारा.

      ग्रामविकास व पंचायतराजमंत्री जयकुमार गोरे यांच्यावर एक महिला जाणूनबुजून चिखलफेक करत असून, बदनामी करण्याचे काम करत आहे, त्या महिलेवर ताबडतोब कारवाई करून तिला अटक करावी, अशी मागणी माण तालुका भाजप महिला आघाडीच्या वतीने पोलिस प्रशासनाकडे करण्यात आली आहे. यासाठी शनिवार दि. ८ मार्च रोजी महिला दिनाचे औचित्य साधून माण तालुका महिला आघाडी यांच्याकडून माण तालुक्यातील दहिवडी पोलीस स्टेशन येथे सामुहिक निवेदन दिले आहे.

       या निवेदनात असे म्हणाले आहे की,एक महिला महाराष्ट्राचे ग्रामविकास व पचायतराज मंत्री ना.जयकुमार गोरे यांच्यावर जाणुन बुजून चिखलफेक करत असून, बदनामी करण्यांचे कामं करत आहे, त्या महिलेवर ताबडतोब कारवाई करून तिला अटक करावी.

        श्री गोरे यांनी विधानसभेत स्पष्टपणे सांगितले आहे की, २०१६ साली, सदर महिला ही याविषयी त्यांना ब्लॅकमेल करत होती आणि तिने त्यांच्या विरुद्ध न्यायालयात तक्रार केली होती,परंतु न्यायालयाने त्यांची निर्दोष मुक्तता केली आहे,असे असूनही जवळजवळ दहा वर्षानी पुन्हा एकदा या महिलेने मंत्री महोदयांची बदनामी करण्याचे काम सुरू केले आहे.
मागील काही दिवसांमध्ये एक दोन न्यूज चँनलला या महिलेने मुलाखत देऊन तिने मा. जिल्हाधिकारी व मा.पोलीस अधीक्षक यांना याबाबतीत निवेदने दिल्याचे सांगितले, प्रशासनाकडे याबाबतीत तक्रार आली असल्यास प्रशासनाने त्याबद्दल काय निर्णय घेतला होता हे सुद्धा जाहीर करावे,कारण मंत्री महोदयांच्या बरोबरच प्रशासकीय अधिका-यांबद्दल सुद्धा या महिलेने बदनामीचे काम सुरू केले आहे.

        आम्ही मंत्री श्री.गोरे यांना खूप वर्षापासून ओळखतो,परंतु त्यांच्याकडून अशी कोणतीच वागणुक आम्हाला मिळालेली नाही, ते आम्हाला बहिणीप्रमाणेच मानतात, प्रत्येक ठिकाणी महिलांना सन्मानाची वागणुक मिळत असते, असे असतानाही एका चांगल्या व्यक्तीची नाहक बदनामी होत असेल तर ते समाजासाठी खूपच घातक आहे.

        सदर महिलेमुळे आमच्यासारख्या सामान्य महिलांकड़े बघण्याचा समाजाचा दृष्टिकोन बदलण्याचा धोका आहे,आम्हाला घरातून बाहेर पडणे ही अशक्य होईल असे वाटायला लागले आहे,या एका महिलेमुळे समाजातील सर्व महिलाच बदनाम आहेत,असा समज होण्याची शक्यता असून त्यामुळे सर्वसामान्य घरातील महिला बदनाम होत आहेत.

      आमची आपणास विनंती आहे की आपण या महिलेची सखोल चौकशी करावी, त्या महिलेने आज पर्यंत किती जणांना धोका दिला, ब्लॅकमेल केले याची सुद्धा माहिती घ्यावी आणि हे प्रकरण दहा वर्षांनी पुन्हा एकदा उकरून काढून मंत्री महोदयांची बदनामी करण्याच्या पाठीमागे कोण कोण आहेत, याचीही माहिती घेऊन या महिलेवर आणि तिला पाठिंबा देणाऱ्या, तिला असे करण्यास प्रवृत्त करणाच्या सर्व घटकांवर कडक कारवाई करावी. अशी मागणी या निवेदनाद्वारे करण्यात आली आहे.

         या वेळी भाजप दहिवडी मंडल महिला अध्यक्षा साधना गुंडगे,भाजप म्हसवड मंडल महिला अध्यक्षा अर्चना सावंत,नगरसेविका निलम जाधव व उज्ज्वला पवार,माजी जिल्हा परिषद सदस्या स्मिता वायदंडे,सारिका पवार, शोभा घोरपडे,सुरेखा पवार,कल्पना पवार,तारा पवार,हिराबाई भिंगारे,रूपाली काकडे,ज्योत्स्ना वाघमारे,मनीषा जाधव,सरिता जाधव,प्रीती दहिवडे आदी महिला उपस्थित होत्या.