म्हसवड पोलिसांचा अवैध धंद्यांवर कारवाईचा धडका !

वृत्त दि.- मंगळवार, दि.११ मार्च २०२५

वृत्त – म्हसवड,ता.माण,जि.सातारा.

       सहाय्यक पोलीस निरीक्षक अक्षय सोनवणे यांनी म्हसवड पोलीस स्टेशनचा कार्यभार स्वीकारल्यापासून म्हसवड पोलीस स्टेशनचा नावलौकिक उंचावत असल्याचे चित्र म्हसवड व म्हसवड पंचक्रोशीतील नागरिकांना पहावयास मिळत आहे. म्हसवड व हद्दीतील गावामध्ये अवैध धंद्यांचा धुमाकूळ मोडीत काढण्यासाठी पोलिसांनी आक्रमक पावले उचलली आहेत. सपोनि अक्षय सोनवणे यांच्या नेतृत्वाखाली पोलिसांनी अवैध दारू विक्री, जुगार आणि मटका यावर तडाखेबंद कारवाई केली आहे, यामध्ये विशेष म्हणजे मटका घेणाऱ्या लोकांसोबत मटका मालक यांच्यावर सुद्धा कारवाई करण्यात आली आहे. या प्रकरणात तब्बल ६ गुन्हे दाखल करत एकूण १२ आरोपींना अटक केली आहे.

    याविषयी अधिक माहिती माहिती अशी की, म्हसवड पोलीस ठाणे हद्दीतील अवैध धंदे मोडून काढण्याकरिता सहाय्यक पोलीस निरीक्षक अक्षय सोनवणे यांनी कठोर पाऊल उचलले आहे. या अनुषंगाने म्हसवड हद्दीतील हिंगणी राजेवाडी रोड जवळ असणाऱ्या दर्शन किराणा दुकानाच्या आडोशाला मटका घेणाऱ्या, विरळी येथे मटका घेणाऱ्या, विरळी येथे जुगार पत्ते खेळणाऱ्यांना, त्याचबरोबर मासाळवाडी हद्दीतील मोदी धाब्याच्या आडोशाला दारू विकणाऱ्या तसेच जय मल्हार धाब्याच्या आडोशाला दारू विकणाऱ्या, ढाकणी येथे दारू विकणाऱ्या, तब्बल १२ आरोपींवर गुन्हा दाखल करून त्यांच्यावर अटकेच्या अनुषंगाने कार्यवाही करण्यात आलेली आहे.

       या एकूण १२आरोपींवर पोलीस ठाण्यात गुन्हे दाखल करण्यात आलेले असून यापुढे देखील अवैध धंद्यांवर कारवाईचा बडगा चालूच राहणार आहे.

     ही धडाकेबाज कामगिरी सहाय्यक पोलीस निरीक्षक अक्षय सोनवणे पोलीसांना यांच्या मार्गदर्शनाखाली राबवण्यात आली. यांच्यासोबतच उपनिरीक्षक अनिल वाघमोडे,पोलीस अंमलदार देवानंद खाडे,भगवान सजगणे,शशिकांत खाडे,रूपाली फडतरे,निता पळे,मैना हांगे,अमर नारनवर,सुरेश हांगे,जगन्नाथ लुबाळ,नवनाथ शिरकुळे,अभिजीत भादुले,विकास ओंबासे,अनिल वाघमोडे,युवराज खाडे, राहुल थोरात या पथकाने विशेष महत्त्वाची भूमिका बजावली.

     सपनि अक्षय सोनवणे यांनी पोलीस स्टाफसह केलेल्या या दमदार कामगिरीमुळे अवैध धंद्यांचे कंबरडे मोडले असल्याच्या चर्चांना उधाण आले आहे.