स्व. अभयशेठ गलंडे यांचे मंगळवार दि. ८ एप्रिल रोजी प्रथम पुण्यस्मरण ! पुण्यस्मरणासाठी उपस्थित रहावे,असे परिवाराचे विनम्र आवाहन…

वृत्त दि.- सोमवार,७ एप्रिल २०२५

वृत्त – दहिवडी,ता.माण,जि.सातारा

‘‘फिरुनी या पुन्हा तुम्ही

अजूनही हवे आहात आम्हाला तुम्ही

तुमच्या सहवासासाठी आतुर आम्ही

तुमच्या वाटेकडे डोळे लावून बसलोय आम्ही’’

       माण तालुक्यातील स्व.अभय मारुती गलंडे हे दहिवडी येथील माजी. ग्रामपंचायत सदस्य, दहिवडी विकास सेवा सोसायटीचे माजी चेअरमन व नगरपंचायत दहिवडीचे माजी नगरसेवक मारुती गलंडे उर्फ दादा यांचे ज्येष्ठ चिरंजीव होत. मागील वर्षी दि. १९ एप्रिल २०२४ रोजी स्व.अभयशेठ गलंडे यांचे आकस्मित दुःखद निधन झाले. त्यांचा प्रथम पुण्यस्मरण दिन मंगळवार दि. ८ एप्रिल २०२५ रोजी आहे.यानिमित्ताने दहिवडी येथील भावनवाडी येथे ह भ प स्वप्निल महाराज पवार यांचे किर्तन सकाळी १० ते दुपारी १२ या वेळेत होणार आहे आणि पुष्पवृष्टी दुपारी १२ वाजून ५ मिनिटे वाजता आहे.

स्व.अभयशेठ गलंडे हे शहरातील प्रसिद्ध व्यावसायिक व प्रगतशील शेतकरी होते.एक सहृदयी व्यक्तिमत्व,संवेदनशीलता,करुणाभाव तसेच शांत व संयमी स्वभाव यामुळे त्यांना मानणारा एक मोठा वर्ग समाजामध्ये आहे.नातेवाईक,मित्रपरिवार व जनतेमध्ये त्यांच्या आकस्मित निधनामुळे मोठी हळहळ व्यक्त केली जाते. त्यांच्या निधनामुळे आप्तेष्टांमध्ये मोठी पोकळी निर्माण झाली आहे.

       त्यांच्या प्रथम पुण्यस्मरणानिमित्त उपस्थित राहण्याचे आवाहन मारुती गलंडे उर्फ दादा, सुशिलाबाई गलंडे(आई),श्रीमती ललिता गलंडे(पत्नी),आदित्य व ओम गलंडे (मुलगा),अनुष्का गलंडे( मुलगी), गणेश गलंडे (भाऊ), स्वाती व रेश्मा गलंडे(भाऊजई), उज्वला राजगे व रेश्मा घुले (बहिण) व समस्त गलंडे परिवार व आप्तेष्टांनी केले आहे.