सामाजिक कार्यकर्ते गणेश जगदाळे यांना मातृशोक ! कै.सिंधुताई जगदाळे यांचे दि.५ एप्रिल रोजी निधन; सोमवार दि.१४ एप्रिल रोजी दशक्रिया विधी…

वृत्त – मलवडी,ता.माण,जि.सातारा

‘‘फिरुनी या पुन्हा तुम्ही

अजूनही हवे आहात आम्हाला तुम्ही

तुमच्या सहवासासाठी आतुर आम्ही

तुमच्या वाटेकडे डोळे लावून बसलोय आम्ही’’

        माण तालुक्यातील मलवडी येथील कै.सिंधुताई बबन जगदाळे यांना प्रदीर्घ आजाराने शनिवार दि.५ एप्रिल २०२५ रोजी वयाच्या ६६ व्या वर्षी देवाज्ञा झाली.कै.सिंधुताई जगदाळे या मलवडी गावचे माजी सरपंच बबन कुंडलिक जगदाळे यांच्या पत्नी होत,मलवडी विकास सेवा सोसायटी सदस्य ताराचंद जगदाळे व सामाजिक कार्यकर्ते गणेश जगदाळे आणि कविता जगदाळे यांच्या आई तसेच मलवडी गावच्या लोकनियुक्त सरपंच दिपाली गणेश जगदाळे यांच्या सासू होत.शिवश्री व शिवन्या अशी दोन नातवंडे त्यांना आहेत.

     मागील काही दिवसांपासून त्यांच्यावर साताऱ्यातील एका नामांकित रुग्णालयांमध्ये उपचार सुरू होते. उपचारादरम्यान मलवडी येथील राहते घरी विश्रांती करत असताना शनिवारी त्यांची प्राणज्योत मालवली व त्याच दिवशी त्यांच्या पार्थिवावर विधीवत अंत्यसंस्कार करण्यात आले. त्यांचा तिसरा सोमवार दि ७ एप्रिल रोजी झाला तर दशक्रिया विधी सोमवार दि. १४ एप्रिल रोजी मलवडी येथील माणगंगा नदी किनारी सकाळी ९ वाजता होणार आहे तर १३ वा बुधवार दि.१६ रोजी दु.१२.०५ वा. होणार आहे.

      कै.सिंधुताई जगदाळे यांच्या प्रेमळ स्वभावामुळे परिसरातील लोकांमधून त्यांच्या निधनामुळे हळहळ व्यक्त केली जात आहे. त्यांच्या पक्षात त्यांचा दोन मुले,मुलगी,सुन,नातवंडे असा मोठा परिवार आहे.

     “कै. सिंधुताई बबन जगदाळे यांच्या आत्म्यास चिर: शांती लाभो हीच ईश्वरचरणी प्रार्थना !”