ताज्या घडामोडीमहाराष्ट्रराजकीयविशेषसामाजिक
Trending
ना.जयकुमार गोरेंचा आज फुलेनगर; बिदाल येथे भव्य नागरी सत्कार !
वृत्त दि.- २० एप्रिल २०२५
वृत्त – बिदाल,ता.माण,जि.सातारा
ग्रामविकास मंत्री ना.जयकुमार गोरे यांच्या स्वतःच्या मतदारसंघांमध्ये बिदाल जिल्हा परिषद गटाच्यावतीने मंत्री गोरे यांचा नागरी सत्कार आज रविवार दि. २० एप्रिल रोजी संध्याकाळी सहा वाजता करण्यात येणार आहे. हा कार्यक्रम लोणार बाबा मंदिराच्या सभा मंडपात होणार असल्याची माहिती बिदाल जिल्हा परिषद गटाचे नेते व श्री.सिद्धनाथ पतसंस्थेचे चेअरमन अरुण गोरे यांनी दिली आहे.
ना.जयकुमार गोरे ग्रामविकास मंत्री झाल्यापासून महाराष्ट्र राज्याच्या विकास कामात सतत व्यस्त असल्याने त्यांचा सत्कार समारंभ घेण्यास वेळ मिळत नव्हता. अखेर त्यांची वेळ मिळाली असून यावेळी बिदाल गटात सुरू होणाच्या विविध विकास कामांचे भूमिपूजन त्यांच्या हस्ते होणार आहे.
ना. जयकुमार गोरे व त्यांच्या पत्नी सोनिया गोरे यांचा भव्य नागरी सत्कार बिदाल गटाच्यावतीने करण्याचे नियोजन केले आहे. तरी लाडक्या भाऊंच्या सत्कार समारंभास जनतेने उपस्थित रहावे, असे आवाहन अरुण गोरे यांनी केले. यावेळी भाजपाचे पदाधिकारी हरिभाऊ जगदाळे, सोमनाथ भोसले, तालुका अध्यक्ष गणेश सत्रे, अतुल जाधव उपस्थित होते.
