शेतकरी नेते राजू मुळीक यांचे माण तहसील कार्यालयात आंदोलन;थेट आत्मदहनाचा इशारा, प्रमुख मागण्या काय ?

वृत्त दि.- गुरुवार २२ मे २०२५

वृत्त – दहिवडी,ता.माण,जि.सातारा.

       स्वाभिमानी शेतकरी संघटना ता.माण जि सातारा यांच्यावतीने तालुकाध्यक्ष राजू मुळीक यांनी गुरुवार दि.22 मे रोजी आपल्या ठराविक कार्यकर्त्यांसह मा. तहसीलदार तथा कार्यकारी दंडाधिकारी माण (दहिवडी) यांना “रेकॉर्ड रूम मधील खाजगी कर्मचाऱ्यांना तहसील कार्यालयातून हटवणे” याबाबत निवेदन दिले आहे.

      या निवेदनात असे म्हटले आहे की,आपल्या तहसील कार्यालयातील बारनिशी विभागातील खासगी कर्मचारी जनगणना व इतर महत्वाची असणारी शासकीय कागदपत्रे बेजबाबदारपणे दहिवडीतील तहसील कार्यालय परिसरातील खासगी झेरॉक्स सेंटर मध्ये मोठ्या प्रमाणात झेरॉक्स काढण्यासाठी ठेवत असतात.माण तहसील कार्यालय है तालुक्याचे मुख्यालय असून या कार्यालयात तालुक्यातील महत्वाची कागदपत्रे तसेच मूळ प्रति असतात.परंतु बारनिशी विभागातील खासगी कर्मचारी व इतर कर्मचारी स्वतः मोठमोठे कागदपत्रांचे गठ्ठे ते झेरॉक्स सेंटर मध्ये ठेवून जात असतात. झेरॉक्स सेंटर मध्ये गठ्ठे ठेवल्यानंतर त्यांची जबाबदारी असतानाही ते त्या ठिकाणी थांबत नाहीत.गेल्या अनेक दिवसांपासून कुणबी नोंदी,इतर महत्तवाची हस्तलिखित सातबारे,फेरफार गहाळ होण्याचे प्रमाण वाढत आहे.परंतु याकडे कर्मचारी कानाडोळा करत असतात.संबंधित कर्मचाऱ्यांच्या व कागदपत्रांच्या व्हिडिओ क्लिप उपलब्ध आहेत.तरी संबंधित कर्मचार्यांना निलंबित करावे अथवा त्या पदावरून कमी करावे अन्यथा येत्या आठ दिवसात आम्हाला शेतकरी संघटनेच्या कार्यकर्त्यांसह माण तहसील कार्यालयासमोर आंदोलन करावे लागेल, त्यास सर्वस्वी आपण जबाबदार राहाल अशाबाबतचा पत्रव्यवहार करूनही खासगी कर्मचारी आद्यापही काम करत आहेत.ते सर्वसामान्यांची मोठ्या प्रमाणावर आर्थिक लूट करत असून येत्या सोमवार दिः२६ /०५/ २०२५ पर्यंत कार्यालयातील रेकोर्ड रूम खाजगीकरण (रेकोर्ड रूम मधील खासगी कर्मचार्यांना) हटवण्यात यावे अन्यथा सोमवारी माण तहसील कार्यालयपरिसरात आत्मदहन करणार आहे. होणाऱ्या कायदा व सुव्यवस्थेच्या प्रश्नास व माझ्या जीवीतास हानी निर्माण झाल्यास आपण जबाबदार रहाल.

     अशा आशयाचे निवेदन मा. तहसीलदार यांना राजू मुळीक यांनी दिले आहे. यावेळी स्वाभिमानी शेतकरी संघटनेचे जिल्हा संपर्कप्रमुख केशव जाधव,दादासाहेब शिनगारे,दादासाहेब भोसले व इतर कार्यकर्ते उपस्थित होते. या निवेदनाची प्रत प्रांत कार्यालय माण – खटाव, जिल्हाधिकारी कार्यालय सातारा व दहिवडी पोलीस स्टेशन दहिवडी या ठिकाणी दिलेली आहे.