अस्थिव्यंग दिव्यांगांसाठी कृत्रिम अवयव वाटप शिबिराचे शुक्रवार दि.२५ जुलै रोजी दहिवडीत आयोजन !

वृत्त दि.- २४ जुलै २०२५

वृत्त – दहिवडी, ता.माण, जि.सातारा.

      सातारा जिल्ह्यातील अस्थिव्यंग दिव्यांगांना जिल्हा परिषदेच्या सहकार्यातून,जिल्हा दिव्यांग सक्षमीकरण विभाग,मुख्यमंत्री सहायता निधी व धर्मदाय रुग्णालय मदत कक्ष सातारा,भारतीय कृत्रिम अंग निर्माण निगम ( एल्किमो ) कानपूर व एस आर ट्रस्ट यांच्या संयुक्त विद्यमानाने कृत्रिम अवयव उपलब्ध होणार आहेत.

     या पार्श्वभूमीला अनुसरून,सातारा जिल्ह्यातील माण तालुक्यात शुक्रवार 25 जुलै रोजी बचत सभागृह, पंचायत समिती माण (दहिवडी) येथे या शिबिराचे आयोजन करण्यात आले आहे.सकाळी दहा वाजता या शिबिराचा शुभारंभ होणार आहे.

      या शिबिरामध्ये अस्थिव्यंग दिव्यांगांसाठी दिव्यांगांना कृत्रिम हात पाय व कॅलिपर्स मोजमाप घेवून, याच वेळी याच ठिकाणी निशुल्क तपासणी व साहित्य वाटप करण्यात येणार आहे.या शिबिराचा लाभ अस्थिव्यंग असणाऱ्या दिव्यांगांनी घ्यावा तसेच या शिबिरासाठी व्यक्तींनी आपले आधार कार्ड,रेशन कार्ड व वैद्यकीय प्रमाणपत्र इत्यादी कागदपत्रांसह उपस्थित राहावे,असे विनम्र आवाहन गटविकास अधिकारी पंचायत समिती माण यांनी केले आहे.

       या माहितीचा जास्तीत जास्त प्रचार – प्रसार करावा जेणेकरून जास्तीत जास्त अस्थिव्यंग दिव्यांगांना या शिबिराचा लाभ घेता येईल, असे विनम्र आवाहन “लोकसेवा टाइम्स” हे समाज माध्यम करत आहे.