पत्रकार संदीप जठार यांना पितृशोक ! दिनकर जठार यांचे अल्पश: आजाराने दुःखद निधन

वृत्त – गोंदवले खुर्द, ता.माण,जि.सातारा.

     माण तालुक्यातील नावाजलेले पत्रकार संदीप जठार यांचे वडील कै. दिनकर जठार यांचे रविवार दि. २६ ऑक्टोंबर रोजी वयाच्या ७० व्या वर्षी अल्पशा आजाराने दुःखद निधन झाले आहे. त्यांच्या निधनाने परिसरात मोठी हळहळ व्यक्त केली जात आहे.

      अतिशय प्रतिकूल परिस्थितीत त्यांनी किराणा दुकान व्यवसाय उभा करण्याचा निर्णय घेतला आणि तो शून्यातून उभा केला व त्यात ते यशस्वी झाले. सर्व सामान्य लोकांना सतत मदत करून त्यांनी एक आत्मिक जिव्हाळा निर्माण केला होता. दिनकर जठार हे पापा या नावाने खूप परिचीत होते ते स्वभावाने मनमिळावू, शांत, संयमी व सर्वांना स्नेहाने सांभाळून घेणारे हे “समाजप्रिय व्यक्तिमत्त्व” म्हणून ओळखले जातात. गोंदवले खुर्द गावातील विविध सामाजिक उपक्रमांमध्ये त्यांचा उत्स्फूर्त सहभाग होता. त्यांच्या पश्चात पत्नी, दोन मुले, सुना आणि नातवंडे असा परिवार आहे. त्यांच्या निधनाने जठार परिवारावर दुःखाचा डोंगर कोसळला असून परिसरामध्ये सर्वत्र शोककळा पसरली आहे.

    कै. दिनकर जठार यांचा सावडणे विधी मंगळवार दि. २८ ऑक्टोंबर रोजी सकाळी ८:३० मिनिटे वाजता गोंदवले खुर्द येथील माण नदी किनारी वैकुंठधाम येथे होणार आहे आणि दशक्रिया विधी गुरुवार दि. ३० ऑक्टोंबर रोजी माण नदी किनारी गोंदवले खुर्द येथे होणार आहे.त्यांच्या आकस्मित निधनाने परिसरात मोठी हळहळ व्यक्त केली जात आहे.